Taipalsaari er samsett af mjög mörgum eyjum smáum og stórum, og margar þeirra tengjast saman með uppfyllingarefni, en brýr tengja aðrar saman. þessi mynd er tekin ofan af einni slíkri stórri brú, en skugginn af brúnni kastast á ísilagt vatnið. Á myndinni er rauður saunabústaður, bryggja og bátur, og á íslögðu vatninu má sjá för eftir skíðafólk, sem og för eftir ýmiskonar dýr. Með hækkandi sól bráðnar snjórinn og ísinn smátt og smátt, og fagurblátt Saimaa vatnið kemur ljós, og sumarparadísin Finnland lifnar við, en við strendur finnsku vatnanna eru meira en ½ milljón sumarbústaða, smáir og stórir. Taipalsaari er við Saimaa vatnið sem er stærsta vatn Finnlands. - Sjá augljósan mun á birtunni í þessum myndum frá Taipalsaari, og þeim sem ég tók fyrir rúmum 5 vikum síðan. Myndirnar neðar hér á síðunni, ”Vetrarbirta”. Kv.BB

Bætt í albúm: 8.3.2010