Á netinu skrifar Ferðalangur eftirfarandi um um þjóðgarðinn Le Cinque Terre og ték ég undir þessi orð: ”Margir hafa eflaust heyrt talað um þjóðgarðinn Le Cinque Terre á Ítalíu og sumir hafa e.t.v. farið í gönguferð um svæðið. En hvað er þetta eiginlega? Le Cinque Terre er svæði, ca. 40 km strandlengja í Lígúríuhéraði á norð-vestur hluta Ítalíu, sem á standa fimm lítil og ævagömul fiskimannaþorp (cinque = fimm, terre = jarðir, lönd). Ef siglt er á bát meðfram þessu svæði má ýmist líta snarbratta kletta eða vínekrur í hlíðum og inn á milli leynast hellar og litlar afskekktar víkur. Þetta er ægifagurt svæði og engin tilviljun að það tilheyrir heimsminjaskrá Unesco. Heimsókn á þetta svæði er n.k. tækifæri til að líta inn í liðna tíð. Fyrir utan náttúrufegurð, er svæðið frægt fyrir vínframleiðslu sína (þið verðið að smakka Sciacchetrá!) og ýmis konar afurðir sem fengnar eru jafnt af landi sem úr sjó. Bæirnir fimm Bæirnir fimm, sem heita Riomaggiore, Corniglia, Manarola, Vernazza og Monterosso, hafa frá fornu fari legið mjög afskekkt”.

Bætt í albúm: 21.6.2009